АНХААРУУЛГА | ATTENTION

Зорчих улс орны хилийн хязгаарлалт, визийн төрөл, PCR тест, карантин болон вакцины шаардлагыг заавал нягтлан шалгана уу.

You must check destination country's border restrictions, eligible visa type, PCR test, quarantine and vaccine requirements.

Ерөнхий зүйл:

Nisleg.mn, Nisleg.com, Nisleg гар утасны аппликэшн/цаашид цогцод нь Nisleg гэх/ нь АЭРМАРКЕТ ХХК-ын албан ёсны өмч бөгөөд Энэхүү үйлчилгээний нөхцөл нь Nisleg-с тийзний худалдан авалт хийж буй үйлчлүүлэгч /цаашид Үйлчлүүлэгч гэх/ нь тийз захиалах, худалдан авалт хийхтэй холбоотой үүсэх харилцааг зохицуулна.
Үйлчлүүлэгч нь Nisleg-т нэвтэрч зөвшөөрөх сонголтыг хийснээр уг гэрээ нь хүчин төгөлдөр болно.
Nisleg-т нийтлэгдсэн текст, график зураг, лого болон бусад бүх контентуудын оюуны өмчлөл нь Монгол Улсын холбогдох хууль тогтоомжийн дагуу баталгаажсан болно.

Хэрэглэгдэх үгс:
Аэрлайн – Нислэг үйлдэж буй компани
Аэрпорт – Нисэх буудал
Виз – Тухайн улсын эрх бүхий байгууллагаас өөр бусад орны аялагч нарт олгогддог тусгай зөвгөөрлийн нэвтрэх бичгийг хэлнэ

Үйлчлүүлэгчийн эрх, үүрэг

Үйлчлүүлэгч нь Nisleg-ээр Монголын зах зээлийн үнээр үнэ нэмэгдээгүй тийз худалдан авах эрхтэй.
Үйлчлүүлэгч нь нислэгийн мэдээлэл авах, өөрийн захиалгын мэдээллийг авч үйлчлүүлэх, Nisleg-ээс зарласан хөнгөлөлт байгаа бол эдлэх эрхтэй.
Nisleg-ийг ашиглахын тулд хэрэглэгч 18 нас хүрсэн, хуулийн хариуцлага хүлээх чадвартай байх үүрэг хүлээнэ.
Үйлчлүүлэгч нь аялаж буй зорчигчдийн мэдээллийн /Овог, Нэр, Хүйс, Утасны дугаар, Паспортын мэдээлэл, Имэйл хаяг/ үнэн зөв байдлыг хариуцах үүрэгтэй. Хэрэглэгч уг мэдээллийг буруу, дутуу оруулсан бол Nisleg хариуцлага хүлээхгүй.
Үйлчлүүлэгчийн пасспортын дуусах хугацаа зорчигчийн нисэх өдрөөс хойш хамгийн багадаа 6 сар буюу 185 хоногийн хугацаанд хүчинтэй байх үүрэг хүлээнэ.
Үйлчлүүлэгч нь зорчиж буй орны Виз-тай холбоотой асуудлыг хариуцах үүрэг хүлээнэ.
Үйлчлүүлэгч нь худалдан авалтын санхүүгийн хариуцлагыг өөрөө хариуцах үүрэг хүлээнэ.

Nisleg-ын эрх, үүрэг

Nisleg-нь үйлчлүүлэгчийн эрх ашгийг хүндэлж үнэн бодит үнээр нэмэгдэлгүй үнээр нислэгийн тийз борлуулах үүрэг хүлээнэ.
Nisleg нь агуулга, үйлчилгээний бүтэц, хэлбэр загвар зэрэгт хүссэн үедээ, хүссэн өөрчлөлт шинэчлэлтээ хийх эрхтэй. Хийгдсэн өөрчлөлтүүд нь нийтлэгдсэн мөчөөс хүчин төгөлдөр үйлчилнэ. Хэрэглэгч нь нөхцөлд орсон өөрчлөлтийг нийтлэгдсэнээс хойш хэрэглэвэл хүлээн зөвшөөрсөнд тооцогдоно.
Nisleg нь үйлчлүүлэгчрүү холбогдож мэдээлэл өгөх, төлөгдөөгүй төлбөр шаардах, төлбөр төлөгдөөгүй захиалгыг цуцлах эрхтэй.
Nisleg нь уг үйлчилгээний нөхцөлд хүссэн үедээ өөрчлөлт хийх бүрэн эрхтэй.
Үйлчлүүлэгч нь үйлчилгээний нөхцөлийг зөрчсөн, Өөрт хамааралгүй бусдын эсвэл Хуурамч мэдээллийг ашиглаж захиалга хийсэн, Nisleg –т хохирол учруулж болзошгүй хандалт гүйцэтгэсэн бол Nisleg нь үйлчлүүлэгчид урьдчилан мэдэгдэлгүйгээр нэвтрэх эрхийг хязгаарлах эрхтэй.
Nisleg нь үйлчлүүлэгчийн хувийн мэдээлэл, нууц үг, худалдан авалтын түүхийг чандлан хадгалах үүрэг хүлээнэ.
Nisleg нь үйлчлүүлэгчийн Дебит/Кредит карт, бэлэн мөнгө, дансны гүйлгээг луйврын шинжтэй байгаа гэж үзвэл Банк болон Цагдаагийн байгууллагаар тус гүйлгээг шалгуулах эрхтэй.

Төлбөрийн нөхцөл:

Үйлчлүүлэгч нь тийзний үнийн дүнг төлөх, эс төлөх сонголт бий бөгөөд Дансаар, Картаар, Бэлнээр төлөх сонголт байна.
Үйлчлүүлэгч нь төлбөрийг Nisleg-ээс шаардсан хугацаанд төлөхгүй бол Nisleg-нь захиалгыг цуцлаж болно.
Төлбөрийг захиалга хийж буй өдөр төлөөгүй бол Вальютын ханшнаас шалтгаалж захиалгын нийт үнэ бага зэрэг өөрчлөгдөх магадлалтай.
Уг гэрээний үнийн дүн нь тийз худалдан авч буй нийт зорчигчдийн тийзний үнийн дүн байна.

Захиалга/ Тийз Буцаалт/ Өдөр солилтын нөхцөл:

Хэрэглэгч нь системд нэвтрэн орсны дараа “Миний Захиалга” цэснээс өөрийн захиалгын төлөвийг харах бөгөөд захиалгын нэмэлт мэдээллийг тус цонхноос харах боломжтой.
Захиалга нь төлбөр төлөгдсөний дараа тийз болж бичигдэх бөгөөд төлбөр төлөгдөөгүй захиалга нь Nisleg-ээс заагдсан хугацааны дараа автоматаар цуцлагдана.
Тийз буцаах, Захиалга цуцлах, Өдөр солих бол Nisleg-ийн 70105050 дугаарт Улаанбаатар хотын цагаар 9-18 цагын хооронд холбогдоно.

Бусад нөхцөл:

Аэрлайн буюу Нислэг үйлдэж буй компани нь Цаг агаар болон бусад давагдашгүй хүчин зүйлийн улмаас нислэгийг цуцлах/хойшлуулах эрхтэй бөгөөд үүнд Nisleg хариуцлага хүлээхгүй.
Монгол улсын 18-аас доош насны иргэн эцэг эх, хууль ёсны асран хамгаалагчаас өөр хүнтэй гадаад улсад зорчих бол эцэг эх, хууль ёсны асран хамгаалагч хүүхдийн хамт хилээр нэвтрэх иргэний хооронд хийсэн нотариатаар гэрчлүүлсэн итгэмжлэл шаардлагатай учир уг заалтыг зөрчсөн тийзний төлбөрийн маргаанд Nisleg хариуцлага хүлээхгүй.
Ta аль ч улс руу аяллаар явах бол хоёр талын нислэгийн тийз авах ёстойг зөвлөе. Нэг талын тийз худалдан авсан тохиолдолд хил дээр таныг саатуулах асуудал үүсч болохыг анхааруулж байна. Бид үүнд хариуцлага хүлээхгүй ба нэг талын тийз бичихээс татгалзаж болно.
Монгол Улсын иргэн таны паспортын төрлөөс хамаарч (энгийн/албаны/дипломат) аялах гэж байгаа болон дамжин өнгөрөх хот/улсын виз шаардлагатай байж болно. Визний талаар нэмэлт мэдээллийг ГХЯ-ны вэбсайтаас авна уу. http://consul.mn/07visan.php
Виз, хил гаалийн зөрчилгүй аялахад доорх зөвлөгөөг дагаарай:
- Ижил авиа компаниар зорчих
- Транзит заалтай томоохон Аэрпортоор дамжин өнгөрөх нислэгийг сонгох
- Аялалын визээр 2 талын тийзтэй аялах
Зорчигч та Япон болон Филиппин улсын доорх заасан хот руу БНСУ-ын ПУСАН хотоор дамжих нислэгийг сонгож байгаа бол танд Солонгос улсад хилийн шалганаар нэвтрэн дараагийн нислэгтээ суух ба Солонгосын хүчинтэй виз зайлшгүй шаардлагатай!
- Японы OKINAWA (OKA) ба KITAKYUSHU (KKJ) хотууд
- Филиппины CEBU (CEB) ба ANGELES MABALACAT (CRK) хотууд
Японы визээр БНСУ-руу хил нэвтрэн зорчих боломжгүй БНСУ-ын виз шаардлагатай.
АНУ-аас буцахдаа Нарита /Япон улс/ нисэх онгоцны буудлаар дамжин СӨҮЛ /Солонгос улс/ орох бол БНСУ-ын виз шаардлагатай гэдгийг анхаарна уу!!!
Та ямар нэг улсруу /Жишээ нь: УБ-СӨҮЛ-Чикаго/ аялахдаа хоригийн хугацаанд тухайн дамжин өнгөрөх улсад хууль бусаар амьдарч байсан бол таныг дамжин нисгэхгүй болохыг анхааруулж байна. Танд үүссэн асуудлыг мэдэх боломжгүй тул манай байгууллага хариуцлага хүлээхгүй.
Үнийн хямдыг илүүд үзэн Хятадын олон хотоор дамжиж гуравдагч улс руу зорчих нислэгийг сонгож байгаа бол заасан хотоор дамжин нисэхгүй байхыг анхааруулж байна.
- FUZHOU (FOC) /HUANGSHAN (TXN) /MUDANJIANG (MDG) /SHENZHEN (SZX) /YANJI (YNJ)
- URUMQI (URC-2цагаас илүү бол)
- Гуравдагч орон руу аялахаар Хятадын нэг болон түүнээс дээш хотуудаар дамжин өнгөрөхдөө транзит хугацаа 24 цагаас илүү таарвал Монгол улсын иргэн болон бусад улсын иргэдэд ч БНХАУ-ын виз шаардлагатай байж болохыг анхаарна уу.
Европийн аль нэг улсад оюутнаар суралцдаг эсвэл байнгын оршин суугч бол танд мөн дамжин өнгөрөх заалтай (транзит) аэрпортоор нэг авиа компанийн нислэгийг сонгоорой. Учир нь транзит заалгүй аэрпортоор танд дамжин өнгөрөх улсын виз шаардлагатайг анхаарна уу
Олон улсын иргэний агаарын тээврийн байгууллага /ИКАО/-аас сунгалттай паспортыг хэрэглээнээс халах тухай зөвлөмжийг хэрэгжүүлж байгаа орнуудын тоо нэмэгдэж байгаатай холбогдуулан үүсэх эрсдэлээс сэргийлэх үүднээс та бүхнийг цаашид шинээр паспорт захиалаж сунгалтгүй паспортоор аялахыг зөвлөж байна.

Маргаан шийдвэрлэх:

Энэхүү гэрээг хэрэгжүүлэх явцад ямар нэгэн маргаан гарвал найрсагаар хэлэлцэж шийдвэрлэх бөгөөд ингэж шийдвэрлэж чадахгүй тохиолдолд Монгол Улсын хууль тогтоомжийн дагуу маргааныг эцэслэн шийдвэрлүүлнэ.